29 маусымда футболдан Еуропа чемпионатының 1/8 финалының қалған екі матчті өтеді, - деп хабарлайды Tengrinews.kz тілшісі.
Алғашқы болып Англия мен Германия құрамалары кездеседі. Матч Лондондағы "Уэмбли" стадионында өтеді және Нұр-Сұлтан уақытымен 22.00-де басталады. Оны Qazaqstan телеарнасы тікелей эфирде көрсетеді.
Ал ширек финалға соңғы жолдаманы Швеция мен Украина құрамаларының бірі алады. Матч Qazsport телеарнасында сағат 01.00-де басталады.
Еске салайық, бұған дейін 1/8 финалда Испания қосымша уақытта Хорватияны жеңген (5:3), ал Швейцария сенсация жасап, Францияны қапы қалдырған (3:3, пенальти бойынша - 5:4), Уэльс Даниядан жеңілсе (0:4), Италия Аустрияны жеңген (2:1), сондай-ақ, Нидерланды Чехияға жол берген (0:2), ал Бельгия Португалия жарыс жолынан шығарған болатын (1:0).
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
