Швеция құрамасы футболдан Еуропа чемпионаты топтық кезеңінің 2-турында Словакияны жеңді, - деп хабарлайды Tengrinews.kz тілшісі.
Ойын Санкт-Петербургтегі "Газпром Аренада" өтті. Матчтің бірінші таймында гол соғылған жоқ.
Тек үзілістен кейін швециялықтар гол соғып, жеңісті жұлып әкетті. 77-минутта Эмиль Форсберг пенальтиде көзге түсті - 1:0.
Швеция құрамасы Е тобында 4 ұпаймен көш бастап тұр. Словакия үш ұпаймен екінші орында келеді. Бұл топтағы Испания - Польша матчі ертең түнгі 01:00-де өтеді.
Үшінші турда Швеция мен Польша кездеседі, ал Словакия Испаниямен күш сынасады. Ойындар 23 маусымда өтеді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
