Бүгін Киевтегі "Олимпийский" стадионында футболдан 2022 жылғы әлем чемпионатының іріктеу кезеңі аясында Украина мен Қазақстан құрамалары кездеседі, - деп хабарлайды Tengrinews.kz тілшісі.
Ойынды Qazsport телеарнасы тікелей эфирде көрсетеді. Трансляция елорда уақытымен 00:35-те басталады.
Украина құрамасы бұған дейін ӘЧ-2022 іріктеу кезеңі аясында екі ойын өткізіп, екеуінде де 1:1 есебімен тең түсті. Алдымен қонақта Франциямен ұпай бөліссе, төрт күннен кейін өз алаңында Финляндиямен тең тарқасты. Ал Қазақстан құрамасы 28 наурызда "Астана-Аренада" француздарға 0:2 есебімен есе жіберген.
Украина мен Қазақстан құрамалары ресми 4 рет кездесіп, бәрінде де Украина жеңіске жеткен.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!