07 маусым 2022 08:37

Қазақстан құрамасының бас бапкері Словакияға қарсы сенсациялық жеңіс туралы пікірін айтты

Гүлнара Досымшалова Корреспондент

ПОДЕЛИТЬСЯ

Футболдан Қазақстан құрамасының бас бапкері Магомед Адиев Ұлттар лигасы Словакияға қарсы кездесуден кейін ойын туралы пікірімен бөлісті, - деп хабарлайды Vesti.kz тілшісі. 


Футболдан Қазақстан құрамасының бас бапкері Магомед Адиев Ұлттар лигасы Словакияға қарсы кездесуден кейін ойын туралы пікірімен бөлісті, - деп хабарлайды Vesti.kz тілшісі. 

Екінші турдағы Трнава қаласындағы ойын 1:0 есебімен Қазақстан құрамасының пайдасына аяқталды. 

- Бірінші кезекте осы стадионда бізді қолдауға келген жанкүйерлерге алғыс айтқым келеді. Біз олардың дауыстарын ойын бойы естіп тұрдық. Керемет қолдады. Біз өз алаңымызда ойнап жатқандай болдық. Жанкүйерлер бізге пікір жазып та қолдауда. Мен олардың барлығына рақмет айтқым келеді. Жеке өз атымнан және команданың атынан алғыс айтамын. Қолдауларыңызға тағы да алғыс айтамын. Бізде кейде ойлаған нәрселеріміз ойдағыдай шықпай жатыр. Бірақ, команда 100 пайыз мақсатқа жету үшін тырысады, - деп бастады әңгімесін Адиев. 

- Словакияның ойынында сізді таңғалдырған дүние болды ма? Жалпы, бұл топтағы жағдай туралы айта өтсеңіз ...

 - Қарсылас команда туралы пікір білдіруді дұрыс деп есептемеймін. Мен өзімнің футболшыларым туралы айтқым келеді. Дегенмен сұраған екенсіз, жауап бере кетейік. Сіздердің құрамаларыңыз мықты. Шебер футболшылар бар. Еуропадағы үздік чемпионаттарда доп тебеді. Құрамаларыңыздың болашағы жарқын деп есептеймін. Бүгін жеңілдіңіздер. Бұл - футбол. Ондай-ондай болып тұрады. Мен бәрібір Словакияны осы топтың фавориті деп есептеймін. Ешбір командаға оңай болмайды. Соның ішінде өз алаңымызда өткізетін кездесулерде де. Турнир кестесінде әлі ештеңе шешілмеді. Енді ғана екі тур өтті. Әлі көп нәрсе өзгеруі мүмкін. Тек жақсы нәтиже үшін ойнаймыз. Ары қарай не боларын көреміз. 

- Словакия құрамасын зерттеген шығарсыз. Бүгін қарсылас сізді таңғалдырды ма? 

- Әрине, біз Беларусь құрамасына қарсы ойыннан кейін сараптама жасадық. Дей тұрғанмен, ешқандай бапкер екі күннің ішінде үлкен өзгеріс жасамайды. Сол құрамның қайта шығатынын күттім. Солай болды. Ал сіздердің құрамаларыңызды көргенде, өздеріне қатты сенімді екенін байқадым. Сондықтан біз сіздердің мықты тұстарыңызды тоқтатуға тырыстық. Жоғарыда айтқан сенімділік, сіздерге кері әсерін тигізді. 

- Осы ойын алдында команданың алдында қандай тапсырма болды? Осы туралы тоқтала кетсеңіз ...

- Тапсырма - жеңу болды. Сосын Аслан Дарабаев гол соқса екен дедік (күліп). Бұл туралы көп әңгіме айтуға болады. Қарсылас ойынның көп бөлігін позициялық шабуылда өткізетінін білдік. Сол сәтте қателіктер жіберетінін күттік. Қателік жасады. Біз оны оңтайлы пайдаланып, гол соғып, жеңіске жеттік. 

Айта кетейік, енді келесі кездесуін Қазақстан құрамасы Сербияның Нови-Сад қаласында өткізеді. Қарсыласымыз - Беларусь құрамасы. Ойын Нұр-Сұлтан уақыты бойынша 11 маусым күні өтеді. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 446.77   483   4.85 

 

Ауа райы

 

Редакция Жарнама
Социальные сети