Роналду "Аль-Наср" сапындағы алғашқы ресми голын соқты 04 ақпан 2023, 14:21
Танымал футболшы Криштиану Роналду "Аль-Наср" клубы сапындағы алғашқы голын соқты. Ойынның соңғы минутында пенальтиді сәтті орындап, командасын жеңілістен құтқарып қалды, - деп хабарлайды Vesti.kz.
"Аль-Наср" ойынның соңғы минуттарында 2:1 есебімен ұтылып тұрған. Қосымша уақытта қарсылас қақпасына пенальти белгіленіп, португалдық шабуылшы 11 метрлік айып соққысынан мүлт кеткен жоқ.
Сауд лигасында алғашқы голды соққаным үшін бақыттымын, команда ерік-жігерінің арқасында маңызды ойында маңызды ұпай еншіледік, - деп жазды Роналду "Твиттер" желісінде.
Сілтемесіз жаңалық оқисыз ба? Онда Telegram желісінде парақшамызға тіркеліңіз!