05 ақпан 2019 15:52

Астанада өрттен қаза тапқан қыздар ақтық сапарға аттанды

Елордадағы Көктал ықшамауданына кіретін жерде полиция кезекшілік етіп тұр. Олар өрт болған үйге қарай бұрылмақшы болған көліктердің барлығын тоқтатып, оларға әрі қарай жаяу бару қажеттігін айтып тұрады.

Көліктен шығып, жер үйлердің маңынан өтіп барамыз. Сосын Шыңғыстау көшесіне бұрылдық. Онда бір топ адам жиналып тұр екен, сонда бардық.

Кішкентай ғана үй. Міне, өртеніп, салдарынан бес қыз қаза болған үй осы. Терезе тұрған жерде қазір гүлдер мен ойыншықтар жатыр.

Сол жерден кішкентай ғана бөлмені көруге болады. Қыздардың ата-анасы мен жақындарына көңіл айтуға келгендердің барлығы "Қалай ғана мынадай кішкентай үйде күйеуі, әйелі және бес баласы тұрған деп" таңғалып жатыр.

"Балалар кереуеті пештің дәл жанында тұрған", - дейді келгендердің бірі.

Көңіл айтуға келгендердің барлығы сол аулада орналасқан көрші үйге кіріп жатыр.

Бұл туыстарының үйі. Бірақ біз үйдің ішін түсіруді жөн көрмедік.

Туыстарының үйі де кішкентай. Барлығы кезекпен кіріп-шығып жатыр. Үйдің шетінде пеш тұр. Одан ыстық қатты келіп тұр. Кіргендер әрең дегенде сыйды. Басқа бір бөлмеде қайғырған ата-анасы отыр. Әйел жылап, ал күйеуі бір нүктеге тесіліп қарап отыр. Содан имам кірді.

Дәрігерлер де жүр. Олар мұнда үнемі кезекшілік етеді екен.

Үйдің ауласында әйелдің жылаған дауыстары естіледі.

Корвалолдың иісі шығып жатыр.

Адамдардан ауладан кетуді сұрады.

Қыздардың денелерін алып шыға бастады.

Далада аяз.

Қыздарды ақтық сапарға шығарып салды.

Келгендердің бірі "бес баласы" деп айғайлап, жылап жіберді.

Келген адамдар аулада ұзақ уақыт тұрды.

Біреулер телеарнадағыларға сұхбат беріп жатты. Ер адамдар мен әйелдер өртенген үйді көрсетіп, қаза болған бес бала жайлы айтып, үлкен отбасының мұндай жағдайда қалай тұрғанына таңғалғандарын айтып жатты. Келесі суреттер өрт болғаннан кейін таңертең түсірілген.