1. Басты
  2. Қара

Қытайдың бірінші астанасына саяхат

© Роза Есенқұлова © Роза Есенқұлова
Бұрын Чанъань деп аталған бұл қала - Қытай Халық Республикасының алғашқы астанасы. Қазір оның орнына заманауи әрі тарихи архитектурасы сақталған Сиань қаласы бой көтерген. Жергілікті халық Сианьде болмаған адам Қытайды білмейді деп есептейді. Біз 5 миллион қытай халқы тұратын осы аймаққа келіп, ұлы халықтың мәдениетімен, сонымен қатар жаңа технологиялармен таныстық. Сианьде туристермен қатар қытайлықтардың өзі де келетін күйдірген саздан істелген армия мұражайы бар. Жалпы айтқанда, Қытайда ішкі туризм өте жақсы дамыған. Жергілікті халық өздерінің тарихын білу мақсатында өз елінде саяхат жасайды. Тіпті, жазғы демалыс кезінде қытайлықтар Шанхай, Санья (остров Хайнань), Гуйлинь сияқты қалаларына сапар шегеді. Қытай асханасы алуан түрлі болғандықтан, мұнда тамақтан жалығу қиын. Бір мейрамханаға бір ай бойы барып жүрсең де, күнде әртүрлі тағам жеуге болады. Мұнда сиыр етінен жасалған суп-лапша, көк шөп қосылған нан да табылады. Сиань көшесінде қытайдың классикалық шәйін ішіп, күріштен жасалған десерттен дәм татуға болады. Сиань көшелерінде мопедке, электроскутерге, автобусқа немесе таксиге мінген тиімді. Айтпақшы, егер сіз қытай тілін білмесеңіз, жергілікті халықпен тіл табысу өте қиын. Мұндай жағдайда өзіңмен бірге электронды сөздік алып жүрген немесе ойыңды ишара арқылы білдірген дұрысырақ. Сәуірде Сиань гүлденіп, қалада туристік кезең басталады. Бұл қала әлемге қонақжайлығымен, мол мұрасымен және сауда орындарымен танымал. Алматыдан Сианьге SCAT әуе компаниясының ұшағымен жетіп, ары қарай қытайлық әуе компанияларының рейстерімен саяхатты жалғастыруға болады. Роза Есенқұлованың осы репортажында Қытайдың үш қаласына: Сиань, Гуйлинь және Яншоға саяхат жасаймыз.