+7 (777) 001 44 99
Қазақша
Русский
English
Bizben Podcast жобасының бұл жолғы қонағы - спорт комментаторы Ермұхамед Мәулен, - деп хабарлайды Tengrinews.kz тілшісі.
Ол жоба журналистерімен Қазақстан құрамасының нәтижелі ойыны, спорт журналистикасындағы мәселелер туралы әңгіме қозғады.
Сонымен қатар, қазақ футболындағы қазақ тілінің орны туралы айтты.
"Оны жөндеуге келеді. Ол үшін халықтың саны көбеюі керек, қазақтілді аудитория көбеюі керек. Ол он жылдан кейін автомат түрде келеді. Мен соған сенемін. Мен мына мәселені көтергім келіп отыр. "Ордабасы", "Тараз", "Қайрат", "Каспий", "Атырау" деген секілді футбол клубтары бар. Онда стадионға келетін жанкүйерлер түгел қазақтар. Шымкентте ешкім орысша сөйлемейді. Бірақ сол клубтар әлеуметтік желілерін, сайттарын орыс тілінде жүргізеді. Мақұл, орыс тілінде жүргізе беріңдер. Бірақ 90 пайызы қазақ аудиторияңа орысша ақпарат таратып отырсың", - деді спорт комментаторы.
Еске салайық, бұған дейін Bizben Podcast жобасының қонақтары фактчекер-журналист Думақ Смақов пен тележүргізуші, актриса Жұлдыз Абдукаримова, тіл маманы Назгүл Қожабек пен файтер Арман Әшімов болған еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
