Қазақстанда Apple өнімдері - iPhone 8, 8 Plus және X смартфондарының ресми сатылымы шамамен қазан айының екінші жартысынан басталады. Tengrinews.kz тілшісі жекеменшік сатушылардан жаңа смартфондардың бағасы шамамен қанша болатынын сұрап көрді.
Ірі сауда орталықтарындағы бірнеше сатушы iPhone 8 смартфондарын 500-600 мың теңге сататындарын айтады. Ал iPhone 8 Plus-тың бағасы 100 мың теңгеге қымбат болады делінеді. Сонымен қатар, сатушылар ресми сауда орталықтарында сатылымға шығатын смартфондардың бағасы қымбатырақ болатынын айтып өтті.
"Жаңа iPhone 8 смартфондарын 23 қыркүйектен бастап менен сатып алуларыңызға болады. Бағасы - 1 100 доллар. Ал Iphone+ сатылымға кейінірек шығады. Оның бағасы шамамен 1 500 доллар болады", - дейді сатушылардың бірі. Сондай-ақ, жаңа гаджеттерді АҚШ-тан сатып алмайтынын айтты.
"Бізде де өзіміздің жеткізушілеріміз бар", - деп түсіндірді ол.
Дегенмен де телефон сатушылардың басым бөлігі Apple смартфондарының бағасы шамамен қанша болуы мүмкін екенін айта алмады. Айта кетейік, Apple корпорациясының ресми сайтындағы мәліметтерге қарағанда, Ресей бойынша Iphone X бағасы 79 990 pyбльден, Iphone 8 - 56 990 pyбльден бастап, ал Iphone 8 Plus 64 990 pyбльден бастап сатылады.
Еске сала кетейік, осыған дейін Apple корпорациясы iPhone 8, 8 Plus және X смартфондарын таныстырған болатын. Алғашқы екі құрылғының iPhone 7-ден айырмашылығы көп емес - жаңа "темір", шыны корпус және сымсыз қуаттағышы бар. Жаңа iPhone-мен қатар, LTE-модулі бар Apple Watch жаңа сағаты, 4К және HDR фроматында видео көрсете алатын Apple TV таныстырылған.
