Алматыда жаяу серуендеу: Қазақстан тарихы

Қазақстан тарихымен танысып, тарихтың негізгі кезеңдерімен таныс болыңыз.

Бағдар тізбегі: Қазақстан Республикасының Мемлекеттік орталық музейі - Республика алаңы - Тәуелсіздік монументі - "Тәуелсіздік таңы" композициясы.

Бағдар сипаттамасы:

Қазақстан Республикасының Мемлекеттік орталық музейі - тек республикамыздағы емес, бүкіл Орталық Азиядағы ең көне және ірі музейлердің бірі. Музей қорында тарихтан сыр шертетін 300 мыңға жуық құнды жәдігер сақталған.

Республика алаңы - Алматының жүрегі ғана емес, сонымен бірге Қазақстан тарихындағы айтулы оқиғалардың куәсі, орталық нүктесі.

Алаңның қақ ортасында Тәуелсіздік монументі орналасқан. Композицияның негізгі элементі - 28 метрлік стела. Қанатты барыстың үстіне биіктігі 6 метрлік айбарлы "Алтын адам" жайғасқан.

1986 жылы қоғамның саяси өмірін демократияландыруға серпін берген "Желтоқсан оқиғасы" дәл осы алаңда басталған. "Тәуелсіздік таңы" композициясы "желтоқсаншыларға" арналған.