Алматының монументалды өнері

Алматының бай мұрасын тамашалап, қала көшелерімен саяхаттаңыз.

Бағдар тізбегі: Ғабит Мүсірепов атындағы жас көрермендер театры - "Сымбат" сән үйі - "Отырар" қонақүйі - "Шығыс күнтізбесі" фонтаны - "Алматы" қонақүйі.

Бағдар сипаттамасы:

Ғабит Мүсірепов атындағы жас көрермендер театрынан басталады. Туристер театр ғимаратына көрік беріп тұрған талантты графикалық суретші Евгений Сидоркиннің бірегей туындысы - Қазақ ұлттық киіміндегі бойжеткен бейнесімен танысады.

Келесі аялдама - "Сымбат" сән үйі. Бұл жерде белгілі суретшілер Молдахмет Кенбаев пен Николай Цивчинский безендірген қалыңдық бейнеленген витражын тамашалауға болады.

Бұдан кейін жол бойында интерьерін сәулетші Арыстан Қайнарбаев жасаған "Отырар" қонақүйі орналасқан. Бірінші қабаттағы паннодан Қожа Ахмет Яссауи кесенесі мен Байқоңырды бейнелейтін зымыран және халық аспаптарын көруге болады.

ҚР Ұлттық Ғылым Академиясы ғимаратының жанындағы "Шығыс күнтізбесі" фонтаны - монументалды суретші Владимир Твердохлебовтың туындысы. Фонтан зодиак белгілеріндегі 12 фигурамен безендірілген, ал төменгі жағы су перілері мен балықтарды бейнелейтін мозаикамен көмкерілген.

"Алматы" қонақүйінің ғимараты 1967 жылы салынған. Сәулетшілер әсерлі композиция жасады. Оның негізі – ортасында қисық сегіз қабатты ғимарат, театр алаңының алдындағы кеңістікті ашады.

2004 жылы Владимир Твердохлебов жасаған "Ұлы Жібек жолы" панелінің композициясы өткеннің қазіргі заманмен байланысын көрсетеді. Бұл –тарихи дәуірлерді біріктіретін жолдың символдық бейнесі.