Тамғалы тас

Бабалардың тарихы мен мәдениетін зерттеп, ғасырлар бұрын тасқа қашалған петроглифтерді тамашалаңыз.

Бағдар тізбегі: Алматы - Тамғалы тас шатқалы.

Бағдар сипаттамасы: Тамғалы Тас шатқалы Алматыдан 120 км қашықта орналасқан. Қаладан солтүстікке қарай Қапшағай тас жолымен жүру керек. Қонаев қаласынан және Талдықорған - Бақанас айрығындағы өзен арқылы өтетін көпірден кейін солға бұрылып, "Полигон" белгісіне дейін жүріңіз. Шамамен 3 км кейін сіз Тамғалы тас жартастарына жетесіз. Жартастарға қашалып жазылған VIII-IX ғасырлардағы ежелгі түркі руникалық жазбасын және XIV - XVI ғасырлардағы индуизм құдайы Будданың бейнелерін көре аласыз. Жазбалар буддизмді ұстанған түркі халықтарына тиесілі деген болжам бар. Жетісуға бұл дін Ұлы Жібек жолы бағыты дамыған кезде келді.

Тамғалы Тас деген "белгілері бар тас" дегенді білдіреді. Бұл жер буддистер үшін қасиетті орын болды: мұнда ашық аспан астындағы ғибадатхана болған деп болжанады.

Шатқалдың басты көрікті жерлерінің бірі – үңгір суреттері, оның ішінде үш Будданың суреті, олардың әрқайсының биіктігі адамның бойына тең келеді.