Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.70
EUR / KZT - 389.99
CNY / KZT - 49.72
RUB / KZT - 5.59

Қашан өз таланттарымызға мүмкіндік береміз?

07 Наурыз 2014, 15:44
0
Сурет hcbarys.kz сайтынан
Сурет hcbarys.kz сайтынан
Құрлықтық хоккей лигасындағы плей-офф додасы алдында «Барыс» құрамына «Снежные барсы» командасынан үш хоккейші шақыртыпты. Олар – шабуылшылар Антон Сағадеев пен Ярослав Евдокимов және қорғаушы Никита Церенок, деп хабарлайды Tengrinews.kz.

Әуелі «Барыстың» ізбасарлары болап табылатын «Снежные барсы» командасына қысқаша тоқталып өтейік. Бұл команда 2011 жылы Қазақстан хоккей федерациясының басшысы А.Маминнің тапсырмасымен құрылған.
Сол жылдан бері, яғни 2011/2012 жылдар маусымынан бастап Жастар хоккей лигасында ойнап жүр. Мақсат – жас жеткіншектерді деңгей жоғары додада шыңдап, болашақта «Барыстың» намысын қорғайтын таланттар тәрбиелеу.

Бұл мақсат орындала ма, жоқ па белгісіз, оны уақыт көрсетер... Өйткені күні бүгінге дейін «Снежные барсы» сапынан «Барыс» құрамына алынып, үздіксіз ойнап жүрген – Михаил Рахманов қана. Соңғы ойындарда Владимир Гребенщиков та мұзайдынға жиі шығып жүр.

Негізі, осы Рахмановтың өзінің команда сапына ілігуі кішігірім жыр болған. Құрлықтық хоккей лигасында «әрбір ойында әр команда сапында екі жас хоккейші болуы керек» деген қатаң талап бар. Рахманов осы талап негізінде «Барыстың» негізгі құрамына іліккен.

Оның өзінде, әу баста ресейлік Филипп Савченкоға үміт артылды. Содан, былтыр отандық журналистер «ресейлік жас шабуылшы Филип Савченкодан өзіміздің дарынды шабуылшымыз Рахмановтың несі кем» деп, мәселені төтесінен қойды. Осылай байбалам салудың арқасында Рахмановқа мүмкіндік беріліп, ол бапкерлер сенімін абыроймен ақтап жүр.

Биыл да мұзайдынға Рахманов шығып жүр. Әу баста (жаңа жылға дейін) екінші ойыншы ретінде қақпашы Павел Полуэктов тіркелетін. Қосалқы қақпашы болса да, екінші жас ойыншының орны осылай жабылып жүрді. Бірақ Полуэктов 20 қаңтарда 22-ге толды. Сондықтан содан бері қатарға Владимир Гребенщиков қосылды...

Өкінішке қарай, былтыр аракідік «Барыс» сапында Құрлықтық хоккей лигасы додасының дәмін татып, қайсыбір ойындарда хаттамаға тіркелген Данияр Қайыров, Дамир Мұқанғалиев сынды жастарымыз биыл мүлде көрінбей кетті.

Енді, міне, Құрлықтық хоккей лигасындағы плей-офф додасы алдында «Барыс» құрамына «Снежные барсы» командасынан үш хоккейші шақыртыпты. Олар – шабуылшылар Антон Сағадеев пен Ярослав Евдокимов және қорғаушы Никита Церенок. Жанға бататыны – бұлардың соңғы екеуі ресейлік жастар.

Бірақ «Никита Церенок Қазақстан азаматтығын алып, біздің елдің намысын қорғауға келісім берді» деп естідік. Дұрыс дейік. Себебі бізде Никитадай еңгерзедей ойыншылар жоққа тән. Әрі ол биылғы маусымда «Барыс» сапында екі ойын өткізді.

Десек те, біз «Барыс» сапынан Данияр Қайыров, Есмұханбет Төлепберген, Дамир Мұқанғалиев сынды таланттарымызды да көргіміз келеді. Келесі маусымда Мадияр Ибрайбеков, Нұрлан Қабиев, Асхат Баубеков, Иван Кинстлер, Никита Михайлис, Артём Лихотников, Семён Кошелев, Кирилл Савицкий, Юрий Сергиенко, Иван Степаненко, Владимир Межебицкий сынды таланттарымызда «Барыс» сапында шыңдала берсе дейміз. Себебі осы жігіттер қазақ хоккейінің болашағы болулары тиіс...

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай