Қазақстандықтар танымал мессенджер WhatsApp жұмысында ақаулар бар екенін айтып, шағымданып жатыр. "Аудиохабарламалар ашылмай, қарапайым хабарламалардың жіберілуі біршама уақытты алған, сондай-ақ, хат алмасу мұрағаты ұзақ уақыт істемей тұр, - деп хабарлайды Tengrinews.kz тілшісі.
Downdetector.ru картасында мессенджердің ақауы туралы шағымдар түскен қалаларды көрсеткен. Бұл Алматы, Нұр-Сұлтан және Қарағанды облысы.
Айта кетейік, downdetector.ru сайтында Еуропа елдерінен Германия, Нидерланды, Франция және Ұлыбританияда да осындай мәселелер бары айтылады. Әсіресе Парижде және Мюнхенде шағымданушылар саны уақыт санап артқан.
Еске салайық, таяуда мессенджерде ақау пайда болғаны айтылған еді. Суреттер мен видеолар жүктелмей қалған. Мұндай мәселелерге бүкіл әлемнен қолданушылар шағымданған.
