1. Басты
  2. Біл
  3. Техно
  4. Ғаламтор

SpaceX компаниясының интернет тарататын спутниктері қашан іске қосылатыны белгілі болды

Илон Масктың SpaceX компаниясының өкілдері 2024 жылға дейін жоғары жылдамдықта интернет тарататын төрт мыңнан аса спутник ұшыратынын жария етті, - деп хабарлайды Lenta.ru CNBC телеарнасына сілтеме жасап. 

SpaceX компаниясының мемлекет істері жөніндегі вице-президенті Патрисия Купердің айтуынша, компания прототиптердің сынақ жұмыстарын 2017 жылы бастап, тұңғыш спутникті жыл соңына дейін іске қосады. Екінші аппарат Жер орбитасына 2018 жылы шығарылады. Осы мақсатта SpaceX көпмәртелік Falcon 9 тасығыш зымырандарын қолданып жатыр. Бұл шығынды азайтып, ғарышқа 1 110-1 325 шақырым аралығындағы биіктікте жұмыс ісиейтін 4 425 аппаратты шығаруға мүмкіндік береді. 

Биыл наурызда SpaceX Falcon 9 зымыранын ұшырған еді. Тоғыз минуттан кейін зымыран Атлант мұхитындағы платформаға сәтті қонды.