Премьер-министрдің бірінші орынбасары Әлихан Смайылов Президенттің тапсырмасын орындауға 2021 жылы 1,6 триллион теңгеден аса қаражат бөлінетінін айтты, - деп хабарлайды Tengrinews.kz тілшісі.
"Жолдауда айтылған бірқатар тапсырма қаржыны талап етеді. Ағымдағы жылдың республикалық бюджетінде белгілі бір мөлшердегі қаражат қарастырылған", - деді ол.
"Мысалы, 13 жаңа жұқпалы аурулар ауруханасын құруға 30 миллиард теңге қарастырылған. Үкімет резервінен әлеуметтік осал жағдайдағы отбасылардан шыққан балаларға компьютерлік техниканы сатып алуға 70 миллиард теңге бөлінді", - деді Смайылов Үкіметтегі онлайн-брифингте.
Қазақстан жаңалықтары. Соңғы жаңалықтар. Telegram желісінде бізге жазыл!
