Алматыда былтыр желтоқсанда із-түссіз жоғалып кеткен ер адам өлі табылды. Бұл туралы LIDER.KZ еріктілері Instagram-парақшасында хабарлады, - деп хабарлайды Tengrinews.kz тілшісі.
Ршимов Айян Едігеұлы, 1990 жылы туған, 2023 жылдың 13 желтоқсанында жоғалып кеткен. Сағат 18:00 шамасында Медеу ауданы, Талғат Бигелдинов көшесі, 74 үй мекенжайындағы үйінен шығып кеткен.
Белгілері: бойы – 180 сантиметр, арық денелі, шашы қысқа, көзі қоңыр. Үстінде қара күрте мен қара қалпақ болған.
Еріктілердің айтуынша, ер адам қайтыс болған. Оның денесі 10 сәуірде табылды. Ер адамның өлімінің мән-жайы нақтыланған жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
