+7 (777) 001 44 99
Қазақша
Русский
English
Қазақша
Русский
English
Бірнеше күннен бері қазақстандықтар Астанада өтетін Дженнифер Лопестің концерті туралы қызу талқылап жатыр. Осы шара қарсаңында әйгілі әнші елімізге деген қызығушылығын тағы да көрсетті. Бұл жолы ол Астанада түсірілген би видеосын жариялады, - деп хабарлайды Tengrinews.kz тілшісі.
Дженнифер Лопес Instagram-парақшасындағы сториске астаналық жастардың өнерін белгілеп, олардың биін 248 миллионнан астам жазылушысы бар парақшасында бөлісті.
Скриншот: Instagram/jlo
"JLo, Астана сені күтіп отыр! Бишілер: Dream Way жобасының кәсіби топтары", – делінген жазбада.
Жас бишілер Джей Ло-ның хиттарына билеп, Байтеректің фонында әсерлі көрініс жасады. Бейнероликке ондаған жағымды пікірлер жазылды:
"JLo-ның сторисін ашсаң – Байтерек! Құттықтаймын, қыздар!", "Сірә, Джей Ло Қазақстанды біздің Туризм министрлігінен артық жарнамалап жатыр", "JLo концертінде қыздардың өздері өнер көрсетсін деп тілеймін" – деп жазды желі қолданушылары.
Посмотреть эту публикацию в Instagram
Айта кетейік, Дженнифер Лопестің шоуы 1 тамыз күні "Астана Арена" стадионында өтеді. Концерттің жарияланғаны сол еді, билеттерге сұраныс нағыз "қанбазарға" айналды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
