1. Басты
  2. Біл
  3. Жаңалықтар
  4. Ел жаңалықтары

"70 теңге берді". Қазнетті сүйсіндірген қыздың анасы оқиға туралы айтты28 ақпан 2020, 17:10

Ақтауда мұқтаж адамға көмек көрсеткен мейірімді қыздың видеосы Желі қолдаланушыларын сүйсіндірген еді. Tengrinews.kz тілшісі видео кейіпкерін тауып, анасымен сөйлесті.

Ақтауда әмиянынан ұсақ-түйек ақша алып, оны мұқтаж адамға берген оқушы қазақстандықтардың көңілін босатқан болатын. Осы сәтті камераға түсіріп алған ер адам видеоны әлеуметтік желілерде таратты.

Посмотреть эту публикацию в Instagram

Публикация от НОВОСТИ АКТАУ (@ladakz)

Қалалық білім бөлімінің қызметкерлері журналистерге видеоның басты кейіпкерін табуға көмектесті. Ол Ақтау қаласындағы № 5 орта мектептің 2-сынып оқушысы Сабина Кенгесбаева болып шықты.

"Біздің отбасы үлкен: әкесі, анасы және бес бала бар. Әкеміздің шағын типографиясы бар, мен үй шаруасындағы әйелмін. Біз өзіміз мұқтаж жандарға тиын-тебен қалдырып тұрамыз, шамасы, қызымыз бізден үлгі алды. Жалпы, ол мінез-құлқы бойынша - көшбасшы. Достарының көбі оған құлақ асады. Сол күні ол ер адамға 70 теңге берген", - дейді қыздың анасы Динара Қарабалина.

Ол қызының қалта шығындарына беретін ақшасын планшетке жинап жүргенін, ал мұқтаж адамға бергені үйден тауып алған ұсақ-түйек екенін айтты.

"Жақындарына көмектесу - әрбір адамның міндеті. Біздің үйде садақа үшін ақша жинайтын жәшік бар. Күн сайын балалармен оған Жаратушының ризашылығы үшін ақша саламыз. Ай соңында жиналған қаржыны мұқтаждарға немесе мешітке береміз", - деді Динара Қарабалина.

Қыз оқитын № 5 мектеп директоры Сабинаның іс-әрекеті барлығына үлгі екенін айтты.

"Қыз өте қарапайым. Әрдайым сабаққа дайындықпен келеді, сондай-ақ барлық іс-шараға қатысады. Осының бәрі отбасынан. Оның ер адамға көмек көрсетуі - толыққанды отбасы тәрбиесінің нәтижесі", - деді Алмажай Райымбердиева.

Желі қолданушылары ақтаулық мейірімді қыздың видеосын талқылап жатыр

Қазақстан жаңалықтары. Соңғы жаңалықтар. Telegram желісінде бізге жазыл! 


Еуро бағамы 500 теңгеден асты