CҚО-да студент қыз қайтыс болды: Менингит жұқтырды деген күдік бар

27 Қыркүйек 2018, 17:32
0
CҚО-да студент қыз қайтыс болды: Менингит жұқтырды деген күдік бар - © Tұрар Қазанғапов
© Tұрар Қазанғапов

Қазақстанның бас санитарлық дәрігері Жандарбек Бекшин Солтүстік Қазақстан облысында студент қыздың өліміне қатысты пікір білдірді, - деп хабарлайды Tengrinews.kz тілшісі.

"СҚО-да болған жағдай бойынша. 1999 жылғы студент қыз 6 қыркүйекте ауырып қалған болатын. Оған суық тиіп, ангина диагнозы қойылып, ем алып жүрді. Кейін оқуға Көкшетауға кетті. Қазір онда да тексеріс жүріп жатыр. Өкінішке қарай, қыз бүгін түнде қайтыс болды", - деді Бекшин Денсаулық сақтау министрлігінің брифингі барысында.

Оның айтуынша, қызда тек суық тиюдің белгілері болған.

"Оған дейін қыз тұмауратып жүрді, ем қабылдады. Қазір сараптамалық зерттеулер жүргізіліп жатыр. 5 күннен соң нақты қорытынды диагнозын айтамыз. Әзірше менингиттің расталмаған түрі деп отырмыз", - деді Бекшин.

Дәрігер Tengrinews.kz тілшісіне берген сұхбатында СҚО-да тамыз айының басында да осындай бір жағдайдың тіркелгенін айтып өтті.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай