Tele2 мен ALTEL-ге иелік ететін компания жеке инвесторға сатылмақ. Ұлттық экономика министрлігі "2021-2025 жылдарға арналған жекешелендірудің кейбір мәселелері туралы" үкімет қаулысына түзетулер жобасын дайындады, - деп хабарлайды Tengrinews.kz тілшісі.
Ұлттық басқарушы холдингтер мен ұлттық компаниялардың ірі еншілес және тәуелді ұйымдарының тізбесі бірінші кезекте бәсекелес ортаға беруге ұсынылатын жаңа тармақпен толықтырылған - "Мобайл Телеком-Сервис" ЖШС.
"Мобайл Телеком-Сервис" ЖШС – Tele2 және ALTEL ұялы байланыс операторларының біріккен компаниясы.
Үкімет қаулысының жобасын қоғамдық талқылау 2024 жылдың 14 ақпанына дейін жалғасады.
"Мобайл Телеком-Сервис" "Қазақтелекомға" тиесілі. 2024 жылдың 1 қаңтарындағы жағдай бойынша, "Қазақтелеком" акцияларының 80 пайыздан астамы "Самұрық-Қазына" мемлекеттік ұлттық әл-ауқат қорына тиесілі.
2018 жылы "Қазақтелеком" Kcell акцияларының 75 пайызын сатып алды, ол сол кезде Telia Company және Fintur Holdings B.V.-ге тиесілі болған. Компания қазір Kcell акцияларының 51 пайызына ие.
Сілтемесіз жаңалық оқисыз ба? Онда Telegram желісінде парақшамызға тіркеліңіз!