Абаев әлеуметтік желілердегі ақау жайлы: Менде проблема болған жоқ 04 қыркүйек 2017, 11:15
Қазақстанның ақпарат және коммуникациялар министрі Дәурен Абаев 2 және 3 қыркүйек күндері әлеуметтік желілерге кіруде кедергіге ұшырамағанын айтты, - деп хабарлайды Tengrinews.kz тілшісі.
Айта кетесек, 2 қыркүйекте түнгі уақытта WhatsApp мессенджері істен шыққан болатын. Астана мен Алматы, Қарағанды және басқа қалалардың тұрғындары бір-біріне хабарлама жібере алмай қалғанын айтқан. Ал 3 қыркүйекте кешкі уақытта Instagram мен WhatsApp жұмыс істемей қалған.
Журналистердің 2 және 3 қыркүйекте Қазақстан территориясында әлеуметтік желілерге кіруде шектеулердің бар-жоғы жайлы сұраққа ол ешқандай да кедергісіз әлеуметтік желілерге кіре алғанын айтты.
"Бұған қатысты пікір білдіру қиын, себебі өз басымда ешқандай да проблема болмады. Ақау барлық қазақстандықта болды деп ойламаймын", - деді Абаев Парламент палаталарының біріккен отырысының үзілісінде.