"Адам салынған сөмке". Әуежайда пранк жасамақ болған алматылық қамауға алынды

25 Қаңтар, 11:39
0
"Адам салынған сөмке". Әуежайда пранк жасамақ болған алматылық қамауға алынды - Видеодан алынған кадр
Видеодан алынған кадр

Сот Алматы әуежайында сөмкенің ішіне адам алып өтпекші болған пранкерлерге қатысты шешім шығарды, - деп хабарлайды Tengrinews.kz тілшісі Алматы қалалық сотының баспасөз қызметіне сілтеме жасап.

Соттың мәліметінше, пранкерлердің бірі ҚР Әкімшілік құқық бұзушылық туралы кодексінің 434-бабының 1-бөлігі бойынша ("Ұсақ бұзақылық") айыпты деп танылып, үш тәулікке қамауға алынды. Қамау мерзімі 24 қаңтардан басталды.

Қалған екеуіне қатысты ереже бұзушылық құрамы болмағандықтан, қозғалған іс тоқтатылды.

Еске салайық, мұның алдында Алматы әуежайында пранкерлердің ұсталғаны хабарланған болатын. Оқиға 23 қаңтарда болған. Пранкерлердің арасында, әуежай өкілдерінің мәліметінше, 2018 жылы жолдың қарсы бағытымен көлік жүргізіп "танылған" Назар Роллан да болған. Сондай-ақ, осы әзіл үшін ҚР Әкімшілік құқық бұзушылық туралы кодексінің 434-бабы ("Ұсақ бұзақылық") бойынша 20 АЕК (50 500 теңге) немесе 20 тәулікке қамауға алу жазасы қарастырылғаны айтылған еді. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай