Ақмола облысында ата-анасымен жанжалдасқан соң үйінен кетіп қалған қыз табылды

08 Тамыз 2018, 13:21
0
Ақмола облысында ата-анасымен жанжалдасқан соң үйінен кетіп қалған қыз табылды - © Pixabay
© Pixabay

3 тамызда Ақмола облысы Целиноград ауданы Қосшы ауылында тұратын 16 жастағы қыз үйден қашып кеткен, - деп хабарлайды Tengrinews.kz тілшісі Ақмола облысы ІІД баспасөз қызметіне сілтеме жасап.

Кәмелет жасқа толмаған қыз ата-анасымен ұрысып қалғаннан кейін ескертпестен Астанаға кетіп қалған екен. Оның жүрген жері туралы ақпаратты қылмыстық полиция қызметкерлері кәмелет жасқа толмаған балалар үшін қолданылатын Astra bus жол-көлік картасын пайдаланғаннан кейін анықтаған. 

Мәліметтер бойынша, қыз Астана-Шымкент тасжолында автобусқа отырып, Шымкентке жол тартқан. Қалаға жеткеннен кейін танысына хабарласып, оны қарсы алып, туысының үйіне апаруын сұраған.

Целиноград Аудандық ішкі істер бөлімінің аға жедел уәкілі Қапаров Жарас қоңырау шалынған абоненттік нөмірдің иесі қайда екені жайлы сауалхат жазған.  

Ақмола облысы ІІД баспасөз қызметіндегілердің хабарлауынша, қазір жасөспірім анасымен бірге Шымкент қаласында. Оларға профилактикалық әңгімелесу өткізілген екен. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай