Ақмола облысындағы Шортанды ауданының 1946 жылы туған тұрғыны 26 сәуірде жылқыларды іздеуге шығып, жоғалып кеткен, - деп хабарлайды Tengrinews.kz тілшісі ТЖМ сілтеме жасап.
ТЖМ ақпаратынша, бірнеше уақыттан кейін ол ауылдасына хабарласып, көлігінің батпаққа батып қалғанын және әрі қарай қозғала алмай отырғанын жеткізген.
Көмекке жедел түрде Шортанды және Ақкөл аудандарының ТЖД құтқарушылары жол талғамайтын техникамен жіберілген.
"Іздеу жұмыстары барысында ер адам Еңбек пен Егемен ауылдарының арасынан табылды. Құтқарушылар оған қажетті көмек көрсетіп, көлігін батпақтан шығарып, үйіне дейін жеткізді", - делінген хабарда.
Министрлік мәліметінше, ер адам медициналық көмек қажет болмаған.
Айта кетсек, бұған дейін құтқарушылар Алматы қаласы мен Маңғыстау облысында бірнеше адамды құтқарған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
