Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 333.32
EUR / KZT - 392.58
CNY / KZT - 50.02
RUB / KZT - 5.64

Ақтауда газ баллонының жарылуы салдарынан ер адам қатты зардап шекті

12 Желтоқсан 2015, 14:43
0
© Lada.kz
© Lada.kz

Ақтауда 40-футты жүк контейнерінде газ баллоны жарылды. Жарылыс толқыны маңында тұрған тағы екі контейнерді шарпыды. Жарылыс салдарынан 46 жастағы ер адам ауыр жарақаттанды, - деп хабарлайды "Лада".

Зардап шеккен ер адам облыстық аурухананың жан сақтау бөлімінде жатыр. Оның бассүйек миына магнитті-резонанс томографиясы жасалды. Дәрігерлердің айтуынша, ер адамның миы шайқалған, сонымен қатар бет терісі мен денесінің үстінгі бөлігінің 10 пайызын күйік шалған.

Оқиға болған жерде жедел тергеу тобы жұмыс істеп жатыр. Құқық қорғау органдарының қызметкерлері жарылыс болған контейнерде тұрмыстық заттар табылғанын айтты. Болжам бойынша, ер адам сол жерде тұрған. Көрші контейнерлерден азық-түлік табылды.

Куәгерлердің айтуынша, жарылыстың күшті болғаны соншалық, контейнердің сынық қалдықтары жүздеген метрге дейін ұшқан. "Жарылыс біздің үйімізге дейін естілді, ал біз 4-ші ықшамауданда тұрамыз. Таңғы сағат 9 шамасында мен мұнда азық-түлік алуға келдім, сол кезде контейнерді көрдім. Меніңше, жарылыс күшті болған, себебі контейнердің есігі 70 метрге жуық жерде жатты", - деді куәгер.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай