+7 (777) 001 44 99
Қазақша
Русский
English
Қазақша
Русский
English
Ақтөбе облысында 1 жасар қыз төрт метрлік құдыққа құлап кеткен, - деп хабарлайды Tengrinews.kz тілшісі "Мой город" басылымына сілтеме жасап.
Оқиға 21 наурызда Мәртөк ауданындағы Жайсаң ауылында болған. Бір жасар қыз өз ауласындағы құдыққа құлап кеткен. Ауылға орталық су құбыры тартылғанша осы құдықтан су алынған. Шұңқыр жабылған, бірақ жер шеттерімен қирап, саңылау пайда болған, нәтижесінде бала саңылауға құлап кеткен.
"Қызым екі метрге құлап кеткен. Ол кезде жұбайым мен қайын атам аулада еді. Қайын атам оны өзі шығарып алмақ болды, бірақ ол тереңдеп барған сайын көрінбеген. Әйелім телефон соқты, мен бірден жеттім, досым Даниярды шақырдым. Бар шаруасын тастап, Жайсаңға келеді", - дейді кішкентай Мәдина Медеттің әкесі.
Данияр төрт метр тереңдіктегі құдыққа түскен. Кішкентай қызды шығару оңай болмаған. Данияр оны күртешесінен сүйреп алмақ болғанда, қыздың күртешесі шешіліп қалған, ал баланы шығарып ала алмаған. Кейін ол жерді қолымен тырмауға мәжбүр болды. Біраз уақыттан кейін ол қызды көтеріп үлгерген.
"Құтқарушылар келгенде, баланы алып шығып үлгерген. Даниярға алғысымыз шексіз. Оның да кішкентай баласы бар. Балаға жақында Санкт-Петербургте ота жасалды. Данияр жұмыссыз, баспанасы жоқ. Біз бүкіл әлем оған ұлын емдеуге көмектестік. Енді қызымызды аман алып қалды", - дейді Мединаның әкесі Медет Қарақұлов.
Оқиғадан кейін Медеттің ауласындағы құдық бірден қоршалған. Қазір кішкентай қыздың жағдайы жақсы.
Желі қолданушылары Данияр Мадияровты марапаттауды сұрайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
