+7 (777) 001 44 99
Қазақша
Русский
English
Қазақша
Русский
English
Ақтөбеде қаржы пирамидасының қызметі тоқтатылды, - деп хабарлайды Tengrinews.kz тілшісі Бас прокуратура мәліметіне сілтеме жасап.
Ақтөбе облысы бойынша Экономикалық тергеу департаменті Harmony Rider Technology (HRT) инвестициялық жоба ретінде жасырылған қаржы пирамидасының қызметін тоқтатты.
"Өзін электросамокаттарды жалға берумен айналысатын америкалық компания ретінде таныстырған бұл ұйым азаматтарға күн сайын 12-ден 690 АҚШ долларына дейін табыс табуды уәде еткен.
Сондай-ақ, жаңа инвесторларды тартқаны үшін криптовалюта түрінде бонустар ұсынылған. Алайда іс жүзінде төлемдер жаңа салымшылардың қаражатынан жүзеге асырылып отырған, бұл қаржы пирамидасының айқын белгілерін көрсетеді", - делінген хабарламада.
Алаяқтық схема салдарынан 100-ден астам адам зардап шеккен.
"Тартылған қаражаттың жалпы сомасы 197 миллион теңге болған. Ұрланған ақша криптовалюта әмияндарына, содан кейін жеке банк шоттарына аударылған.
Қылмыстық іс аясында 70 миллион теңгеден астам сомаға мүлікке тыйым салынды. Тергеу аяқталып, қылмыстық іс сотқа жолданды".
Сілтемесіз жаңалық оқисыз ба? Онда Telegram желісінде парақшамызға тіркеліңіз!
