Синоптиктер 5-7 наурыз аралығында ауа райы қандай болатынын айтты, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
Синоптиктердің мәліметінше, алдағы үш тәулікте кейбір өңірлерде қар жауып, бұрқасын болады.
"Наурыздың бірінші демалыстарында ауа температурасы Қазақстанның батыс және қиыр солтүстігінен басқа аймақтарда климаттық нормадан 7…13 градусқа, батыста 1…3 градусқа жоғары, ал максималды ауа температурасы 0 градусқа жоғары болды.
Алдағы үш тәулікте республиканың басым аймақтарында ауа райын бұрынғыдай атмосфералық фронттар анықтайды, сонымен байланысты солтүстік және шығыс аймақтардың кей жерлерінде қар, бұрқасын, қатты батыс желі және көктайғақ күтіледі. Қазақстанның басқа аймақтарында жылбысқы қар, оңтүстікте жаңбыр болжанады", - деді "Қазгидромет" өкілдері.
