Әлем алдында ұятқа қалмай, күрделі мәселені сындарлы сұхбатпен шеше алатынымызды паш ете білуіміз керек - Назарбаев

18 Мамыр 2016, 17:17
0
Әлем алдында ұятқа қалмай, күрделі мәселені сындарлы сұхбатпен шеше алатынымызды паш ете білуіміз керек - Назарбаев - © Тұрар Қазанғапов
© Тұрар Қазанғапов

Ақордада Нұрсұлтан Назарбаев мемлекеттің 4 айдағы әлеуметтік-экономикалық дамуының қорытындыларына арналған кеңес өткізіп жатыр, - деп хабарлайды Tengrinews.kz тілшісі. 

Мемлекет басшысы облыс әкімдеріне, Астана және Алматы қалаларының әкімдеріне жер реформасы жөніндегі түсіндіру жұмыстарын белсенді түрде жүргізуді тапсырды. "Жер реформасы жөніндегі комиссия сәйкес заңнаманы жетілдіру бойынша келісілген ұстанымды жасап шығуы тиіс", - деді Назарбаев. Оның сөзін Ақорданың Twitter-аккаунты келтіріп отыр.

"Біз бірлігі берекелі елдің ырысы мол боларын білеміз. Бірлігі болмағандықтан, берекесі кеткен, неше жылдық еңбегі зая болып, дамуы кері қашқан қаншама елдер бар. Біз солардың қателігін қайталап, жұрттың табасына қалмауға тиіспіз. Әлем алдында ұятқа қалмай, күрделі мәселені сындарлы сұхбатпен шеше алатынымызды паш ете білуіміз керек. Биыл Тәуелсіздігіміздің 25 жылдық мерейлі белесі. Осы кезеңде бізге сырттан көз тігіп, сынай қарап отырғандар көп, - деді Назарбаев.

Сонымен қатар, Президент мемлекеттік бағдарламаларды жүзеге асыру тақырыбын қозғады.

"Бизнес-2020 Жол картасының жобаларына арналған инфрақұрылымның құрылысына бөлінген қаражат игерілмеді. Биылғы 4 ай ішінде "Нұрлы Жол" аясында бөлінген жылдық бюджеттің 8 пайызы ғана игерілген", - деді Назарбаев.

Оның айтуынша, 121 жоба тұрақтап тұр, 13 жоба проблемалық ретінде қарастырылмады. Енгізілген кәсіпорындардың барлығы жобалық қуатқа ие бола алмады. Оларды экономикамыздың қазіргі жағдайы қолдады.

Ол индустриализацияның алты жылының қорытындысы бойынша барлық өңірде шамамен 900 кәсіпорынның іске қосылғанын айтты. Негізге капиталға құйылған инвестициялар 15 пайызға өсті. Елдің 9 өңірінде өндіріс көлемінің өсімі қамтамасыз етілді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай