10 маусым 2021 12:26

Әлеуметтік кәсіпкерлер жеңілдіктерге ие болады: Парламент заң қабылдады

ПОДЕЛИТЬСЯ

Фото: Tengrinews.kz/Тұрар Қазанғапов Фото: Tengrinews.kz/Тұрар Қазанғапов

Кәсіпкерлік кодексте ресми түрде "Әлеуметтік кәсіпкерлік" деген тарау пайда болады. Бұл заңды Сенат қабылдады, - деп хабарлайды Tengrinews.kz тілшісі.


Кәсіпкерлік кодексте ресми түрде "Әлеуметтік кәсіпкерлік" деген тарау пайда болады. Бұл заңды Сенат қабылдады, - деп хабарлайды Tengrinews.kz тілшісі.

Жаңа тарауда кәсіпкерліктің қандай түрін әлеуметтік деп аталатыны, бұл мәртебені қалай алуға болатыны және мұндай кәсіпкерлерге мемлекет қандай қолдау көрсететіні сипатталады.

"Әлеуметтік" деп аталу үшін кәсіпорында халықтың әлеуметтік осал топтарының өкілдері жұмыс істеуі керек. Олардың қатарына ерекше қажеттіліктері бар, мүгедек баланы тәрбиелеп отырған ата-аналар, зейнеткерлер, балалар үйінің тәрбиеленушілері, көпбалалы отбасылар, қандастар кіреді.

Сонымен қатар, кәсіпорын олар үшін тауарлар өндіре немесе сата алады, сондай-ақ мүмкіндігі шектеулі адамдарға маңызды арнайы қызметтер көрсетуіне болады.

Әлеуметтік кәсіпкерлерге мемлекет қолдау көрсетеді. Сенаторлар гранттар беру, банктердегі пайыздық мөлшерлемені субсидиялау, мемлекеттік мүлікті жеңілдік шарттарымен жалға беру сияқты шараларды бекітті. Сондай-ақ, қызметкерлерді оқыту және біліктілігін арттыру үшін ақы төленген жағдайда табыс салығын азайту қарастырылған.

Сенат төрағасы Мәулен Әшімбаев халықтың әлеуметтік осал топтарын қолдау - палатаның негізгі басымдықтарының бірі екенін атап өтті.

"Мемлекет басшысы әлеуметтік мәселелерді шешуге, сондай-ақ, аз қамтылған және ерекше қажеттіліктері бар адамдарға қолдау көрсетуге үнемі көңіл бөледі. Бұл тұрғыда әлеуметтік кәсіпкерлікті дамытудың маңызы зор. Бұл өзгерістер мен толықтыруларға бастамашылық еткен және дайындаған Сенат депутаттары екенін атап өткен жөн. Отандық заңнамада алғаш рет әлеуметтік кәсіпкерлікке анықтама беріліп отыр", - деді Мәулен Әшімбаев.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Читайте также
Join Telegram
Тоқаев Қытайға барады

Валюта бағамы

 448.12   483   4.85 

 

Ауа райы

 

Редакция Жарнама
Социальные сети