Алматы қалалық спорт дәне дене шынықтыру басқармасының басшысы Хайырболат Хайдаров қызметінен кетті, - деп хабарлайды Tengrinews.kz тілшісі мәліметі бар дереккөзге сілтеме жасап.
Бұл мәліметті қалалық әкімдік өкілдері растап отыр. "Иә, ол өз қалауымен қызметінен кетті (...) ол кету туралы арыз жазды. Хайдаровтың міндетін уақытша атқарушы оның орынбасары", - деп мәлімдеді Алматы әкімдігінің өкілдері.
Әкімдіктегілер Хайырболат Хайдаровтың бұл қызметте жеті жыл болғанын айтты. Шенеуніктің жұмыстан кету себебі әзірше белгісіз.