Алматыда қандай мамандық иелеріне сұраныс жоғары екені анықталды, - деп хабарлайды "Алматы" телеарнасы.
Телеарнаның мәліметінше, қалада 114 мекеме мен кәсіпорын мыңнан аса маман іздестіріп жатыр. "Қалада дәрігерлер мен мұғалімдер тапшы. Инженерлер де сұранысқа ие. Сонымен қатар, сатушылар мен кассирлер жетіспейді", - деп хабарланды.
Айта кетейік, осы олқылықты жою мақсатында Жұмыспен қамту орталығы биыл 7 бос жұмыс орны жәрмеңкесін ұйымдастыруды жоспарлап отыр. Қаладағы бірінші жәрмеңке наурыз айында өткізіледі.
