+7 (777) 001 44 99
ПОДЕЛИТЬСЯ
Алматы әкімінің орынбасары Арман Қырықбаев ArtSport бағдарламасына қатысты проблемалар мен оны қаржыландыруды тоқтатудың себептері туралы айтты, - деп хабарлайды Tengrinews.kz тілшісі.
Алматы әкімінің орынбасары Арман Қырықбаев ArtSport бағдарламасына қатысты проблемалар мен оны қаржыландыруды тоқтатудың себептері туралы айтты, - деп хабарлайды Tengrinews.kz тілшісі.
Оның айтуынша, қазір жағдай біржақты айтылып, әкімдік балаларға арналған тегін секцияларға қаржы бөлгісі келмеді деп айыпталып отыр.
"Президенттің балаларды қолдау және спорт секцияларын қаржыландыру туралы тапсырмасын орындау, олардың шығармашылық үйірмелерге қатысуы бізге абсолют басымдық саналады. Біз де қазір айыптап жатқандармен бірдей патриотпыз. Біз бұл тапсырысты орындаймыз. Дегенмен, көпшілігіңіз білетіндей, бұл жүйе ақпараттық порталдардың ешқандай критерийлеріне сәйкес келмейді. Осыдан алты ай бұрын Алматы облысындағы әріптестер де осыны айтып, кейін барлық әкімдік қарсылық танытқан болатын. Алматы әкімдігі қаржыландыруды тоқтатуға асықпады, жүйе талаптарды орындауы үшін оларға мәселелерді шешуге алты ай уақыт бердік. Бірақ олар бұл уақытты бірдеңені түзетуге емес, жағдайдың төңірегінде қажетсіз дүрбелең тудыруға жұмсады", - деді Арман Қырықбаев.
Әкімнің орынбасары нарықта ArtSport-тан басқа ақпараттық жүйелерді құра алатын басқа ойыншылардың бар екенін атап өтті. Оның айтуынша, жыл басынан бері ArtSport жүйесі арқылы ваучерлерді қаржыландыруға 11,7 миллиард теңге бөлінген. Бұл ретте әкімдік бұл соманың екі миллиардын әлі де бөлуі керек. Бағдарламаны қаржыландыру жалғасатын болса, жыл аяғына дейін тағы 8,5 миллиард теңге жұмсалуы тиіс.
Сондай-ақ, ол 1 қыркүйектен бастап ArtSport платформасын жасаушылардың өздері бағдарлама операторларының, яғни әкімдік қызметкерлерінің жеке кабинетіне кіру мүмкіндігін жабатынын айтты. Бұл мәдениет басқармасының сайт қызметі үшін төлем жасамауы, спорт басқармасының келісімшарт жасамауы салдарынан.
Жалпы, Алматыда платформаға сәйкес 100 мыңға жуық бала ArtSport бойынша сабақтар мен секцияларға қатысқан. Әкімдік олардың секциялар мен шығармашылық үйірмелерде тегін оқу мүмкіндігінен құр қалмайтынын алға тартады. Алматы әкімдігі бұрын анықталған барлық проблеманы есепке алатын жаңа бағдарлама әзірлеу жұмыстарын бастаған. Бағдарлама тек халықтың әлеуметтік осал топтарындағы балаларға, сондай-ақ мүмкіндігі шектеулі балалар мен созылмалы аурулардан зардап шегетін балаларға арналған. Қаржыландыру осы санаттағы 150 мыңға жуық баланы қамтуға мүмкіндік береді деп жоспарланған.
Арман Қырықбаевтың айтуынша, әкімдік қазірдің өзінде жаңа бағдарламаның операторын табу және оған қатысушыларды, сондай-ақ осы қызметтерді ұсынатын бөлім басшыларын таңдау критерийлерін әзірлеумен айналысып жатыр. Бірнеше айдың ішінде секциялар мен үйірмелерді қаржыландырудың жаңа бағдарламасы іске қосылуы мүмкін.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
