13 ақпан 2019 11:59

Алматы әкімдігі ауған соғысы ардагерлеріне 100 мың теңгеден бөлді

ПОДЕЛИТЬСЯ

© Мұрат Әбдішүкіров © Мұрат Әбдішүкіров

Алматы әкімдігі Ауғанстаннан әскер шығарудың жылдығына орай ауған соғысына қатысушы 2716 жауынгерге 100 мың теңгеден қаржы бөлу туралы шешім қабылдады, - деп хабарлайды Тengrinews.kz тілшісі қалалық әкімдіктің қоғаммен байланыс қызметіне сілтеме жасап. 


Алматы әкімдігі Ауғанстаннан әскер шығарудың жылдығына орай ауған соғысына қатысушы 2716 жауынгерге 100 мың теңгеден қаржы бөлу туралы шешім қабылдады, - деп хабарлайды Тengrinews.kz тілшісі қалалық әкімдіктің қоғаммен байланыс қызметіне сілтеме жасап. 

Төлемнің жалпы сомасы - 271 миллион теңге. Күні бүгінге дейін Алматыда ауғандық жауынгерлердің тізімін актуализациялау жұмысы жалғасып келеді. Таяуда ғана тағы 43 отбасы анықталды.

"Жақын күндері біз Ауғанстаннан әскерлерді әкетудің 30 жылдығын атап өтеміз. Өкінішке орай, күні кеше ғана ауған соғысының ардагері, 177-ші арнайы жасақ отрядының командирі, аты аңызға айналып, халық арасында «қара майор» атанған, отставкадағы полковник Борис Керімбаев өмірден озды. Оның отбасы мен жақындарына шын жүректен көңіл айтамыз. Ауғанстаннан әскерлерді әкетудің жылдығына байланысты ауған соғысына қатысушы 2716 жауынгерге 271 миллион теңге бөлу жөнінде шешім қабылданды. Бұған қоса айтарымыз, Жеңіс күніне орай ауғандық ардагерлерге бір реттік көмек ретінде 50 мың теңге берілетін болады. Осы мақсаттар үшін біз 400 миллион теңгеден аса қаржы бөлеміз", - деді Алматы әкімі Бауыржан Байбек.

Мегаполис басшысы қалада Ұлы Отан соғысына қатысушыларға бір рет берілетін әлеуметтік көмектің 150 ден 250 мың теңгеге, ал оларға теңелгендерге берілетін көмектің 30 дан 50 мыңға өскенін атап өтті. ҰОС ардагерлеріне коммуналдық қызметті төлеуге берілетін ай сайынғы көмек 16,5 мың теңгеге дейін артты.

Алматыда өткен жылдан бері "Белсенді ұзақ өмір" Жол картасы қолға алынған. Оның мақсаты - адал еңбек еткен аға ұрпақты қоғамдық іске кеңінен тарту, спортпен айналысуына, мәдени тынығып, рухани кемелденуіне, ұрпақтар үндестігін қалыптастыруға ықпал ету

Жоба аясында қалада белсенді ұзақ өмір Орталығы ашылған, мұнда кітапхана, фитнес-зал, шахмат үйірмесі және басқалары жұмыс істейді. Қазіргі кезде орталыққа 3 мың адам келуде. Оның үстіне, 800-ден астам зейнеткер түрлі фитнес-клубтарға тегін кіреді. Бұдан өзге, тағы 56 әлеуметтік клубтар жұмыс істейді, бұларға 4,5 мың қарттар келуде.

Читайте также
Join Telegram

Валюта бағамы

 448.12   483   4.85 

 

Ауа райы

 

Редакция Жарнама
Социальные сети