Алматы облысының Жамбыл ауданында биыл ақпанның басында жоғалып кеткен ер адам өлі табылды. Бұл туралы Lider.kz ұйымының еріктілері мәлімдеді, - деп хабарлайды Tengrinews.kz тілшісі.
1987 жылы туған Өтеубаев Шыңғыс Иосифұлы 2026 жылғы 4 ақпанда жоғалып кеткен. Ол таңертең Жамбыл ауданы, Алматы - Бішкек тасжолының 60-шақырымындағы тұраққа заттарын қалдырып, белгісіз бағытқа кетіп қалған.
Еріктілердің мәліметінше, 12 мамырда жол құрылысшылары адам аяғы баспайтын жерден ер адамның мәйітін тапқан. Марқұмның денесінде зорлық-зомбылық белгілері анықталмаған.
Instagram-дағы бұл жарияланымды көру
