Алматы комендатурасы өкілі 17 қаңтардағы жағдай туралы айтты 17 қаңтар 2022, 09:15
Алматы комендатурасының ақпараттық орталығы терроризмге қарсы операция басталғаннан бері 2 601 адам ұсталғанын мәлімдеді, - деп хабарлайды Tengrinews.kz тілшісі.
"Алматы қаласының комендатурасы терроризмге қарсы операция басталғаннан бері заңсыз шерулер, тонау және басқа да қылмыстарға қатысқан 2 601 адам ұсталғанын хабарлайды.
Барлығы 127 атыс қаруы мен 4 077 оқ-дәрі тәркіленді", - деді ведомство өкілдері.
Өткен тәулікте "102" пультіне 329 хабарлама келіп түскен.
"Комендатураның колл-орталығына жедел ден қоюды талап еткен азаматтардан 48 дабыл түсті. Барлық хабарлама пысықталды", - деп аяқтады полиция өкілдері.
Сілтемесіз жаңалық оқисыз ба? Онда Telegram желісінде парақшамызға тіркеліңіз!