1. Басты
  2. Біл
  3. Жаңалықтар
  4. Ел жаңалықтары

Алматы мен Түркістан облыстарының өзендерінде су деңгейі көтерілуі мүмкін

Tengrinews.kz иллюстрациялық суреті Tengrinews.kz иллюстрациялық суреті

Алматы және Түркістан облыстарында, сондай-ақ Алматы маңында су деңгейі көтерілуі мүмкін, - деп хабарлайды Tengrinews.kz тілшісі "Казгидромет" РМК орталығына сілтеме жасап. 

9-11 мамыр аралығында Алматы және Түркістан облыстарында, сондай-ақ Алматы маңында жауын-шашынға байланысты өзендерде су деңгейі көтерілуі мүмкін.

Айта кетейік, мұның алдында метеоқызмет өкілдері еліміздің сегіз аймағына ескерту жариялаған.

9 мамырда Атырау облысында жел соғады, жылдамдығы секундына 15-20 метр болады. БҚО-да күн күркіреп, бұршақ жауады.

Маңғыстау және Қарағанды облыстарында да күн күркірейді. Түнде және таңертең тұман. Қарағанды және Жезқазғанда бүгін желдің екпіні секундына 15-20 метр болады.

Түркістан облысы мен Шымкентте нөсер жауады. Кей жерлерде найзағай, дауыл соғып, бұршақ жауады, секундына 15-20 метрден соғатын жел екпіні 23-28 метрге жетуі мүмкін. 

Ақмола облысы мен СҚО да секундына 15-20 метр жел соғады. Қызылорда облысының басым бөлігінде жаңбыр жауады. Кей жерлерде найзағай, бұршақ болады. Оңтүстік-батыстан соғатын желдің екіпіні кей жерлерде секундына 15-20, күндіз 23 метрге дейін жетеді.

Қазақстан жаңалықтары. Соңғы жаңалықтар. Telegram желісінде бізге жазыл!