1. Басты
  2. Біл
  3. Жаңалықтар
  4. Ел жаңалықтары

Алматы облысында үш елді мекенді су басты 09 ақпан 2021, 14:39

Қатты жауын-шашын салдарынан Алматы облысының үш елді мекенін су басты, - деп хабарлайды Tengrinews.kz тілшісі ҚР ТЖМ баспасөз қызметіне сілтеме
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

© ҚР ТЖМ баспасөз қызметі © ҚР ТЖМ баспасөз қызметі

Қатты жауын-шашын салдарынан Алматы облысының үш елді мекенін су басты, - деп хабарлайды Tengrinews.kz тілшісі ҚР ТЖМ баспасөз қызметіне сілтеме жасап. 

Алматы облысының 3 елді мекенінде, Ескелді ауданының Ешкіөлмес және Алдабергенов ауылдарында, сондай-ақ Көксу ауданының Талапты ауылында ауа температурасының көтерілуіне, жауын-шашын, қар еруіне байланысты жеке тұрғын үйлердің аулаларын су басты. 

8 ақпанда түнде Алматы облысының ТЖД-ға 3 елді мекенде су толып, жеке тұрғын үйлердің 40 аула аумағы су астында қалғаны туралы хабарлама келіп түскен.

"Алматы облысы ТЖД күші мен жергілікті атқарушы органдардың қызметкерлері Ескелді ауданы Ешкіөлмес ауылында оқиға болған жерден 10 адамды эвакуациялады. олар орта мектепке орналастырылды. Мотопомпалардың көмегімен су сорылды. ТЖД-да жедел штаб құрылып, жедел желі жұмыс істеді", - делінген хабарламада.

Қазіргі уақытта арықтарды тереңдету, үйінді бөгет салу және еріген суды бұру бойынша жұмыстар жүргізіліп жатыр.

Су басқан жерлерде Алматы облысы ТЖД күштері мен құралдарынан барлығы 67 қызметкер, 15 дана техника, 18 мотопомпа, жергілікті атқарушы органдардан 28 қызметкер, 5 техника және 5 бірлік мотопомпа, АПБ 7 қызметкер, 3 бірлік техника жұмылды.

ҚР ТЖМ азаматтардан су тасқыны қаупі бар кезеңде қауіпсіздік ережелерін сақтауды, аула аумақтарына іргелес арық желілерін қар мен қоқыстан уақытылы тазартуды сұрайды.
Құтқару қызметінің бірыңғай телефоны 101 немесе 112.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!