Алматы полициясы мегаполистегі тәртіпсіздіктер кезінде бүлінген және қираған көлік қалдықтары сақталған автотұрақты көрсетті, - деп хабарлайды Tengrinews.kz тілшісі қалалық Полиция департаменті баспасөз қызметіне сілтеме жасап.
Тәртіп сақшылары мәліметінше, тәртіпсіздіктер салдарынан 165 қызметтік көлік зақымданған, оның 53-і өртенген. Зақымдалған көліктердің 64-ін қалпына келтіру мүмкін емес.
Бұл ретте Алматы қаласы Полиция департаменті жаппай тәртіпсіздіктер мен қарулы шабуылдар нәтижесінде келтірілген залалдың алдын ала қорытындысын жариялады:
- 5 фронт-офис өртенді:
- Алмалы аудандық ІІБ мен ЖПБ ғимараттары зақымданды;
- 19 модульдік және 13 табиғатты қорғау полициясының бекеттері зақымданып, өртенді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!