Алматыда 10 бағыттың қозғалыс сызбасы "Астана" алаңының жабылуына байланысты өзгерді, - деп хабарлайды Tengrinews.kz тілшісі қала әкімдігі мәліметіне сілтеме жасап.
Алматыда Қала күніне орай өтетін ауқымды мерекелік іс-шараларға байланысты 12-16 қыркүйек аралығында Төле би көшесі Панфилов көшесінен Абылай хан даңғылына дейін жабылады.
Қалалық мобильділік басқармасының мәліметінше, осы уақыт аралығында 10 қоғамдық көлік бағытының қозғалыс сызбасына өзгеріс енгізілді.
"Бұл №16, 37, 48, 126, 201, 205, 206, 209, 210 және 224 бағыттар. "Астана" алаңын шығыс бағытта Қабанбай батыр көшесі арқылы, батыс бағытта Бөгенбай батыр көшесі арқылы айналып өтеді. Сонымен қатар, №16 және 126 бағыттары аталған аумақты Гоголь көшесімен айналып өтеді".
Сілтемесіз жаңалық оқисыз ба? Онда Telegram желісінде парақшамызға тіркеліңіз!
