+7 (777) 001 44 99
ПОДЕЛИТЬСЯ
Алматыда Абай даңғылынан жоғары ғимараттар биіктігі қалай шектелуі мүмкін екені айтылды, - деп хабарлайды Tengrinews.kz тілшісі.
Алматыда Абай даңғылынан жоғары ғимараттар биіктігі қалай шектелуі мүмкін екені айтылды, - деп хабарлайды Tengrinews.kz тілшісі.
Брифинг барысында Алматы әкімінің орынбасары Мұхит Әзірбаев қалада Абай даңғылынан жоғары Әл-Фараби даңғылы мен Жандосов көшесіне дейін, Шығыс айналма жолдан Саин көшесіне дейін тұрғын үй ғимараттарының биіктігін шектеу жоспарланғанын айтты. Жаңа регламентті әзірлеу үшін жұмыс тобы құрылған, жұртшылық өкілдері мен мамандардан ұсынымдар келіп түсіп жатыр. Жаңа шектеулерді әзірлеу бойынша жұмыс бір айға созылады.
Қалалық жоспарлау және урбанистика басқармасының басшысы Алмасхан Ахмеджанов осыған байланысты көппәтерлі тұрғын үй биіктігінің шекті параметрлерін тұрғын үй құрылысының екі түрі - Ж 4 және Ж 5 бойынша ең төменгі мән бойынша қабылдау ұсынылатынын айтты:
- Ж 4 - 5 қабаттан артық емес;
- Ж 5 - 9 қабаттан артық емес.
"Мәслихат бекіткен құрылыс салудың қала құрылысы регламенттерінің жоспары бойынша Ж 5-те 5-тен 12 қабатқа дейін градация бар. Біз үйдің биіктігін екі есе арттыруға мүмкіндік беретін дәліздерді қандай да бір жолмен шектеуіміз керек деген ұсыныс болды. Бұл мәселе әлі талқылау сатысында. Әрине, бұл алаңда тек бірдей қабатты ғимараттар болады деген сөз емес. Оларды осы кеңістікте қалай орналастыру керектігі әлі де талқыланады", - деді Алмасхан Ахмеджанов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
