+7 (777) 001 44 99
Қазақша
Русский
English
Қазгидромет Алматыда 16-18 қаңтар аралығында ауа райы қандай болатынын болжады, - деп хабарлайды Tengrinews.kz тілшісі.
16 қаңтарда Алматыда ауыспалы бұлтты ауа райы күтіледі, жауын-шашынсыз. Жел оңтүстік-батыстан 2-7 м/с жылдамдықпен соғады. Түнде ауа температурасы минус 3-5 градус, күндіз плюс 4-6 градус жылы болады.
17-18 қаңтарда да ауыспалы бұлтты, жауын-шашынсыз. Жел оңтүстік-батыстан оңтүстік-шығысқа ауыса отырып, екпіні 2-7 м/с жылдамдықпен соғады. Түнде ауа температурасы минус 2-4 градус, күндіз плюс 3-5 градус жылы болады.
Бұған дейін Қазгидромет синоптиктері Қазақстан бойынша 16, 17 және 18 қаңтарға арналған ауа райы болжамын жариялаған болатын. Болжамға сәйкес, шағын үзілістен кейін Қазақстан аумағына Атлантикалық циклон жылжи бастайды, ол өзімен бірге жауын-шашын алып келеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
