+7 (777) 001 44 99
Қазақша
Русский
English
Қазақша
Русский
English
Алматыда қазанның 20-сынан кейін жаңбыр жауып, арты қарға ұласады. Бұл туралы Tengrinews.kz тілшісіне Алматы бойынша "Қазгидромет" РМК филиалының метеорологиялық болжам бөлімінің басшысы Светлана Аманқұлова хабарлады.
Оның мәліметінше, қазанның екінші онкүндігінде ауа температурасы біртіндеп төмендей бастайды: түнде 5-10 градус жылыдан 2 градус суық - 3 градус жылыға дейін, күндіз 18-23 градус жылыдан 10-15 градус жылыға дейін түседі.
"Екінші онкүндіктің соңында жаңбыр жауып, арты қарға ұласуы мүмкін. Жаңбыр мен оның қарға ұласуы үшінші онкүндіктің ортасында да болуы ықтимал", - деді синоптик.
Үшінші онкүндіктің басында ауа температурасы көтеріледі - түнде минус 2-3 градус жылыдан 3-8 градус жылыға дейін, күндіз 10-15 градус жылыдан 15-20 градус жылыға дейін. Алматыда бұл айда ауа температурасының орташа көрсеткіші +11 градус болады, ол нормадан 1 градусқа жоғары. Жауын-шашын көлемі нормаға сай, норма - 60 миллиметр.
"7 қазанда 3 000 метр биікте, тауда қар жауды, ол Мыңжылқы ауданында. Шымбұлақта түнде қар аралас жаңбыр болды. Тауға қар жауады. Қалада - екінші онкүндіктің соңында", - деді Аманқұлова.
Бұған дейін мамандар Қазақстан облыстарының басым бөлігінде жаңбыр мен қардың жауатынын ескертті.
