Алматыда ата-ана 17 жастағы баласының рұқсатсыз тату салуын сот арқылы заңсыз деп таныды

19 Қыркүйек 2017, 17:34
0
Алматыда ата-ана 17 жастағы баласының рұқсатсыз тату салуын сот арқылы заңсыз деп таныды - © kid.vipinstruciton.ru
© kid.vipinstruciton.ru

Сот 17 жастағы жасөспірімге ата-анасының рұқсатынсыз тату салуын заңсыз деп таныды, - деп хабарлайды Tengrinews.kz тілшісі.

Алматы қалалық Бостандық ауданының сотына кәмелетке толмаған баланың ата-анасы ұлына тату салынуының заңсыз екендігі жайлы арыз түсірген.

Ата-анасының айтуынша, осыдан екі жыл бұрын 2015 жылдың 11 қыркүйегінде жеке кәсіпкер сұлулық салонында олардың баласына тату салып берген. Бала ол кезде 17 жаста болған. Тату салған адам баланың денесінде сурет салуға нотариалдық рұқсат алмаған. Сот-медициналық сараптаманың қорытындысына қарағанда, 17 жастағы жасөспірімнің денсаулығына жеңіл зиян келтірілген.

"Қазақстан Республикасы Азаматтық кодексінің 22-бабына сәйкес, он төрт жастан он сегiз жасқа дейiнгi кәмелетке толмағандар мәмiлелердi олардың заңды өкілдерінің келiсiмiмен жасайды", - деп түсіндірді Алматы қалалық сотының баспасөз қызметіндегілер.

Соттағылардың мәліметінше, жасөспірім салонға тату салуғабарғанда одан ешкім жеке куәлік сұрамаған. Сондай-ақ, оған қызмет көрсету туралы келісімшарт пен тауардың сапасы жайлы еш мәлімет көрсетпеген. Онымен қоса, тату салынатын кезде баланың ата-анасы немесе олардың нотариалдық рұқсаты да болмаған. Мұның барлығы сот отырысы барысында анықталып отыр.

"Соттың шешімімен кәмелетке жасына толмаған азаматтың тату салдыру әрекетін заңсыз деп тану туралы өтініш қанағаттандырылды. Сот үкімі әлі заңды күшіне енген жоқ", - деді Алматы қалалық сотының баспасөз қызметіндегілер.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай