Алматыда Мұстафа Кемал Ататүрікке арнап қойылған ескерткіш ашылды, - деп хабарлайды Tengrinews.kz тілшісі ҚР Мәдениет және ақпарат министрлігінің баспасөз қызметіне сілтеме жасап.
Алматыда Түркияның тұңғыш президенті Мұстафа Кемал Ататүрікке арналған ескерткіштің салтанатты ашылуы өтті. Ескерткішті Алматы әкімдігі Мұстафа Кемалдың құрметіне былтыр ашылған "Ататүрік скверінде" орнатты.
Биіктігі 3 метрден тұратын қола ескерткіштің тұғыры граниттен жасалған. Ескерткіштің авторлары қазақстандық мүсіншілер - Айдос Бүркітбаев пен Тимур Ермұхаметов.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
