Алматыда автобустарға арналған жолақтың пайдалы жақтары айтылды

22 Маусым 2015, 12:02
0
©Николай Колесников
©Николай Колесников

Алматыда пайда болған арнайы жолақтың арқасында Абай даңғылымен жүретін қоғамдық көліктерде жолаушы тасымалдау 17-19 пайызға өсті, - деп хабарлайды Tengrinews.kz тілшісі. Бұл туралы қаланың жолаушылар көлігі басқармасының басшысы Талған Әбдрахманов айтып берді.

Оның айтуынша, қоғамдық көліктердің рейстер саны да 30 пайызға дейін көбейген. "Егер бұрын қоғамдық көлік 4-4,5 рейс жасаса, қазір олар 5-6 рейс жасайды. Қазіргі уақытта Райымбек және Сейфуллин даңғылдарында арнайы жолақ салу жоспарланып отыр. (...)", - деді Әбдрахманов. Сонымен қатар, оның мәліметінше, 15 маусымнан бері 100-ден аса жүргізушіге арнайы жолақпен жүргені үшін айыппұл салынды.

Еске салайық, арнайы жолақ Абай даңғылының бойымен Момышұлы көшесінен Достық даңғылына дейін тартылған болатын.  Бұған дейін Алматыда автобустарға арналған жолақпен жүрген жеке автомобиль жүргізушілеріне айыппұлдың салына бастағаны хабарланған болатын. Полицейлердің айтуынша, Абай даңғылында орнатылған камералар автобустарға арналған жолақпен жүрген автомобильдерді түсіріп алып отырады. Жол ережесін бұзған жүргізушілер 5 пен 10 АЕК көлемінде айыппұл төлейді.

 

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай