​Алматыда ең ұзақ жауған қар қалай тазаланып жатыр?

16 Қаңтар 2018, 10:05
0
​Алматыда ең ұзақ жауған қар қалай тазаланып жатыр? -

​Алматыда 11 қаңтардан бастап арасында үзіліспен 16 қаңтарға дейін ұзақ жауған қар түнгі сағат 2-00-де аяқталды, - деп хабарлайды Tengrinews.kz тілшісі Алматы әкімдігінің сайтына сілтеме жасап.

Әкімдіктегілердің мәліметінше, өткен тәулікте 8 сантиметр қар түсті. Жалпы, 11 қаңтардан бастап қалада жауған қардың биіктігі 33 сантиметр құраған.

"Коммуналдық қызметтер қар жауған кезден бастап жолдарға мұзды ерітетін материалдарды сеуіп жатыр, жолдың жүретін бөлігінен және жаяу адамдар жүретін жерлерден қарды күреп жатыр. Соңғы күндері жолдарға 4 544 тонна мұзға қарсы қоспа материалдар себілген.

​Жиналған қарды шығаруға көп көңіл бөлінеді. 15 қаңтардан 16-на қараған түні 13 734 текше метр қар шығарылды. Түскен қардың көлемі үлкен болғандықтан, қаланың көшелерінен қарды шығару жұмыстарын 17 қаңтарда аяқтау жоспарланып отыр", - деп хабарлады ведомстводағылар.

Сондай-ақ, қар тазалау жұмыстарына 630 бірлік арнайы техника мен 2 130 жол жұмысшысының жұмылдырылғаны айтылады.

Қазгидромет орталығының болжамы бойынша, алдағы күндері қар жаумайды деп болжанады.

Аудандық әкімдіктерде және қалалық әкімдікте қарды тазалау жөніндегі жұмыстарды бақылау бойынша тәуліктік кезекшілік ұйымдастырылған.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай