Алматыда жоғалып кеткен Әлихан Капановтың денесі табылды11 ақпан 2019, 08:07
Алматыда 6 ақпанда жоғалып кеткен 23 жасатағы Әлихан Капановтың денесі табылды, - деп хабарлайды Tengrinews.kz тілшісі.
Қалалық полиция департаментіндегілер бұл мәліметті растады, жас жігіт үсік шалып, қайтыс болды деген ақпарат бар.
"Зорлық белгілері табылмады. Өлімнің нақты себебін сот-медициналық сараптама анықтайды", - деп хабарлады ведомствоның баспасөз қызметі өкілдері.
Жігіт туыстарының айтуынша, оның үсіген денесі Алма-Арасан маңынан табылған.
Бұған дейін жігіттің туыстары мен достары 23 жастағы Өскемен тұрғыны Әлихан Капанов 6 ақпанда сағат 16.30-да Өтепов және Розыбакиев көшелерінің қиылысында үйінен шығып, кейін жоғалып кеткенін хабарлаған.