1. Басты
  2. Біл
  3. Жаңалықтар
  4. Ел жаңалықтары

Алматыда Сейфуллин даңғылының бір бөлігі жабылады05 қаңтар 2018, 17:01

Иллюстрациялық сурет: kievvlast.com.ua Иллюстрациялық сурет: kievvlast.com.ua

Алматыда Сейфуллин даңғылының бір бөлігі жабылады, - деп хабарлайды Tengrinews.kz тілшісі қала әкімдігінің баспасөз қызметіне сілтеме жасап. 

Сейфуллин даңғылы мен Жансүгіров көшесінің қиылысындағы көлік жол айырығының құрылысы нысанының бір бөлігі болып табылатын "Шығыс" жер үсті жаяу жүргіншілер өткелінің құрылыс-монтаждау жұмыстарына байланысты Сейфуллин даңғылының көлік қозғалысына өзгерістер енгізілетіні хабарланып отыр.

Осылайша, 2018 жылғы 8 қаңтарда сағат 22.00-ден 9 қаңтар күнгі таңғы сағат 6.00-ге дейін Рысқұлов даңғылынан Ақпаев көшесіне дейін Сейфуллин даңғылы арқылы көлік қозғалысы тоқтатылады. Көлік қозғалысы Жансүгіров көшесі арқылы жүзеге асырылады. Іргелес көшелерімен көлік қозғалысы өзгеріссіз жүргізіледі.


Елордада IT-кеңес құрылды